အပြောင်မြောက်ဆုံး လှုပ်ရှားမှု

အဖွဲ့ဝင်များကို အုပ်စုအသေးလေးများအဖြစ် ခွဲလိုက်ပါ။ အောက်ပါ ချဉ်းကပ်မှုပုံစံများဖြင့် အရေးကြီးအချက် တစ်ချက် သို့မဟုတ် နှစ်ချက်ကို ဆောင်ရွက်ခိုင်းပါ။

• ပစ်မှတ်: ကျွန်တော်တို့ရဲ့ လှုပ်ရှားမှုအတွက် နိုင်ငံရေးအရ ပစ်မှတ်ဟာ ဘယ်သူလဲ ဒါမှမဟုတ် ဘာလဲ နဲ့ ဘာကြောင့်လဲ။ ခင်ဗျားရဲ့ လှုပ်ရှားမှုက သူတို့ကို ဖိအားပေးဖို့ ဘယ်လို စီစဉ်ပြင်ဆင်ထားသလဲ။ သူတို့ကို တစ်စုံတစ်ရာ ရင်ဆိုင်ကြုံတွေ့စေမလား သို့မဟုတ် သူတို့ကို တစ်စုံတစ်ရာ နစ်နာစေမလား။ သူတို့ ဘယ်လိုပုံစံနဲ့ တုံ့ပြန်ပါစေ ခင်ဗျား အနိုင်ရမယ့် သူတို့ကို ဆုံးဖြတ်ရခက်တဲ့ အနေအထား ရောက်ရှိစေမလား။

• ကြားဝင်စွက်နှောင့်ယှက်မယ့်နေရာ : ဘယ်စစ်တလင်းကနေ ခင်ဗျား ကြားဝင်စွက် နှောင့်ယှက်မှာလဲ။

• မဟာမိတ်များ : ခင်ဗျားရဲ့ လှုပ်ရှားမှုက ငြိမ်နေတဲ့ မဟာမိတ်တွေကို ဘယ်လို အသက်ဝင်လှုပ်ရှားလာစေမှာလဲ။ ဖြစ်လာနိုင်တဲ့ မဟာမိတ်တွေကို ဘယ်လို ရရှိမှာလဲ။ ခင်ဗျားရဲ့ ဆန့်ကျင်ဘက်သမားတွေကို ဘယ်လို သီးခြားခွဲထုတ်ပစ်မှာလဲ။ ဘယ်လိုမျိုး ထောက်ခံမယ့်လူထုကို တိတိကျကျ ဦးစားပေးသတ်မှတ်ထားချင်တာလဲ။

• ပရိသတ်နဲ့ သတင်းအမှာစကား : ခင်ဗျားရဲ့ ဦးစားပေး ပရိသတ်က ဘယ်သူတွေလဲနဲ့ သူတို့ကို ပေးချင်တဲ့ သတင်းအမှာစကားက ဘာလဲ။ ဘယ်လို တင်ပြပုံအမျိုးအစားနဲ့ ဘယ်လို အသံနေအသံထားမျိုး ( တည်ကြည်လေးနက်ခြင်း၊ ဝင့်ကြွား ဝမ်းမြောက်ခြင်း၊ ဒေါသထွက်ခြင်း စသည်ဖြင့်) တို့က ပိုပြီး အကျိုးသက်ရောက်မှု ရှိမလဲ။

• ဇာတ်လမ်း ဖြစ်အင် : ဖြစ်အင်ကို ခင်ဗျား ဘယ်လိုမျိုး မဟာဗျူဟာကျကျ ဇာတ်ကြောင်းဖွဲ့ဆင်ထားသလဲ။ ခင်ဗျားရဲ့ ဇာတ်လမ်းမှာ ဗီလိန်ပါသလား။ ခင်ဗျားရဲ့ ကိုယ်ပိုင် ကရုဏာသက်စရာ ဇာတ်ကောင်ကို ဦးစီးဦးဆောင်အဖြစ် ခင်ဗျား တွန်းပို့နေသလား။ ခင်ဗျား လိုအင်ဆန္ဒရှိတဲ့ ရလဒ်ကို ခင်ဗျား နိမိတ်ပြနေသလား။

• တန်ဖိုးထားမှုနဲ့ ပကတိအသိဉာဏ် အနေအထား : ခင်ဗျားဟာ လူထုရဲ့၊ အထူးသဖြင့် ခင်ဗျား ရည်ရွယ်ထားတဲ့ ပရိသတ်ရဲ့၊ တန်ဖိုးထားမှုနဲ့ ချိတ်ဆက်မှုရှိရဲ့လား။ ပကတိအသိနဲ့ စိတ်ကို ဆွဲဆောင်နိုင်စွမ်း ရှိရဲ့လား။ ခင်ဗျားရဲ့ လှုပ်ရှားမှုနဲ့ သတင်းအမှာစကားပေးခြင်းတို့တွင်၊ ဘယ်လိုမျိုး ထင်ရှားတဲ့ ပုံရိပ်တွေနဲ့ သင်္ကေတတွေ ခင်ဗျား ထည့်သွင်းထားသလဲ။

• လှုပ်ရှားမှုအတွက် ဆင်ခြင်တွေးခေါ်မှုစနစ် : လှုပ်ရှားမှုကိုယ်တိုင်က ဖြစ်အင်ကို ပြောပြသလား ခင်ဗျားရည်ရွယ်တဲ့ သတင်းအမှာစကားကို သိရှိစေရဲ့လား။ ခင်ဗျား လုံး၀ တစ်ခွန်းမှပြောပြစရာမလိုဘဲ ဘေးကဖြတ်သွားတဲ့သူတစ်ယောက်က အလိုလို သဘောပေါက်ရဲ့လား။

• အဖွဲ့ တည်ဆောက်ခြင်း : လှုပ်ရှားမှုရဲ့ ခင်ဗျားအဖွဲ့ရဲ့ လုပ်နိုင်စွမ်း ပမာဏကို ဖန်တီးပေးသလား။ အသစ်အသစ်သော စိတ်ဝင်စားစရာတွေ ထွက်ပေါ်လာရဲ့လား လူသစ်တွေကို ဖြည့်ဆည်းပေးရာတွင် အကူအညီဖြစ်ရဲ့လား။ ခင်ဗျားဟာ ကိုယ်ကျိုးစွန့် အနစ်နာခံမှုတွေလုပ်ပြီး အတူတကွ အရဲစွန့် လုပ်ကိုင်ကြသလိုမျိုး တစ်ယောက်ကို တစ်ယောက် လုံလုံလောက်လောက် ထောက်ပံ့ကူညီပေးကြသလား။

ပြီးရင် အဖွဲ့အကုန် မျက်နှာစုံညီပြန်လာကြပါ။ ဆောင်ရွက်ပြီးတဲ့ အလုပ်တွေကို ဝေမျှကြပါ။ အဖွဲ့နဲ့အတူ အရေးကြီးသော လေ့လာမှတ်သားမှုများကို ဆင်ခြင်သုံးသပ်ပါ။