ကုလားအုတ်တိုက်ပွဲ

၂၀၁၁ ခုနစ်၊ ဖေဖော်ဝါရီလ ၂ရက်နေ့တွင် ကိုင်ရိုမြို့ အချက်အချာ တာခ်ဟရီးရင်ပြင်ကို နေရာယူထားတဲ့ ဆန္ဒပြသူ လူထုကြီးကို နှောက်ယှက်ရန် ကြမ်းတမ်းရမ်းကားသော ကြိုးပမ်းမှုတွင်၊ ဗယ်တဂျီအာ (လူရမ်းကား)ထောင်ဂဏန်းဟာ ကျောက်ခဲတွေ၊ ဓားတွေ၊ မိုလိုတော့ဗ်ကော့တေးတွေ သုံးပြီး ဆန္ဒပြသူတွေကို တိုက်ခိုက်ခဲ့ပါတယ်။ အများအပြားက ကုလားအုတ်တွေ၊ လားတွေနဲ့ မြင်းတွေ စီးပြီး ဆန္ဒပြသူတွေကို တိုက်ခိုက်ဖို့ ဓားတွေ၊ တုတ်တွေ၊ ကြာပွတ်တွေ အသုံးပြုခဲ့ကြတယ်။ နောက်တစ်နေ့ တိုက်ခိုက်မှုတွင်မူ လက်နက်ခဲယမ်းများနဲ့ ရာဘာကျည်များပါဝင်လာပြန်ပါတယ်။

တော်လှန်ရေးကာလအလွန် အချက်အလက်ရှာဖွေရေးကော်မတီ၏ ပဏာမအစီရင်ခံစာများအရ၊ အုပ်ချုပ်ရေး၏အဓိကအဖွဲ့ဝင်များဟာ တိုက်ပွဲကို ဦးဆောင်တဲ့ ဗယ်တဂျီအာရဲ့ နောက်ကွယ်မှာရှိတာကို ရှာဖွေတွေ့ရှိခဲ့ပြီး၊ အာဏာလက်ဝယ်ရှိသူများအဖို့ သူတို့ရဲ့ ညစ်ပတ်တဲ့အလုပ်တွေခိုင်းစေရန်အလို့ငှာ အရပ်သားလူမိုက်များ ရရှိဖို့ ဘယ်လောက် အဆင်ပြေချောမွေ့သလဲဆိုတာကို ထပ်မံ ထင်ရှားစေခဲ့ပြန်ပါတယ်။

လူထုရဲ့ ဆင်းရဲဒုက္ခအခြေအနေကို လူထုက ပြန်လည် တုံ့ပြန်ပေးခဲ့တယ်။

တိုက်ခိုက်မှုရဲ့ ရည်ရွယ်ချက်က တော်လှန်ရေးကို ဖျက်သိမ်းပစ်ဖို့ ဖြစ်ခဲ့သော်လည်း တော်တော်လေး ဆန့်ကျင်ဘက်အရာဟာ ဖြစ်ပျက်ခဲ့တယ်၊ အဲ့ဒီအစား တိုက်ခိုက်မှုဟာ ကိုယ်ချင်းစာနာမှုအများအပြားနဲ့ ထောက်ခံမှုအများအပြားကို ပေါ်ထွက်လာစေခဲ့တယ်။ ဆန္ဒပြသူ တစ်ဒါဇင်နီးပါး သတ်ဖြတ်ခံရမှုနဲ့ လူ ၂၀၀၀ ထိခိုက်ဒဏ်ရာရရှိမှုဟာ လူထုရဲ့ ဒေါသကို ဖန်တီးခဲ့ကာ လူပေါင်း သန်းနဲ့ချီကို လမ်းပေါ်ထွက်လာစေခဲ့ပြီး တာခ့်ဟရီးရင်ပြင် ထိုင်သပိတ်ကို ပူးပေါင်းလာစေခဲ့တယ်။ ကိုးရက်အကြာမှာ ဆယ်စုနှစ်များအကြာ အာဏာရှင် ဟော်စ်နီမူဘာရက်ကို ဖြုတ်ချဖို့ တွန်းအားပေးခဲ့တယ်။

ကုလားအုတ်တီုက်ပွဲဟာ အီဂျစ်တော်လှန်ရေးရဲ့ အလှည့်အပြောင်းကာလတစ်ရပ်ဖြစ်ခဲ့ပါတယ်။ ဒါပေမယ့် အဲ့တာဟာ တစ်ခြားနည်းလမ်းဆီ သွားနိုင်ခဲ့တယ်။ ဘယ်အချက်တွေက လူထုအောင်ပွဲတစ်ရပ်ကို ဖြစ်စေခဲ့သလဲ။ တစ်ချက်ကတော့ ဆန္ဒပြသူတွေရဲ့ ကြံကြံခံနိုင်မှုနဲ့ ရဲရင့်မှု ဖြစ်ပါတယ်။ တိုက်ခိုက်မှုကို ဆောင်ရွက်ဖို့ လူမိုက်တွေဟာ တစ်ယောက်ကို အီဂျစ်ပေါင် ၂၀၀ စီရရှိခဲ့တယ်၊ ဒါပေမယ့် “ ပေါင်မုန့်၊ လွတ်လပ်မှုနဲ့ လူမှု တရားမျှတရေး ” ဆိုတဲ့ သူတို့ အခွင့်အရေးတွင် ဆန္ဒပြသူတွေရဲ့ ကြီးမားသော ယုံကြည်မှုက အခြား ငွေကြေးဆွဲဆောင်မှုတွေထက် ပိုမို ခွန်အားကြီးမားကြံ့ခိုင်ခဲ့ပါတယ်။ သူတို့ရဲ့ ယုံကြည်မှုကို ကိုင်စွဲထားနိုင်ခဲ့ရုံသာမကပဲ၊ တိုက်ခိုက်လာမှုကို အရင်းပြုလို့ တော်လှန်ရေးကို ကြီးမား ကျယ်ပြန့် အရှိန်အဟုန် မြင့်တက်လာအောင် ဆောင်ရွက်ခဲ့ကြပါတယ်။

ရင်ပြင်မှာ နေရာယူသိမ်းပိုက်ထားတဲ့ ပထမ ခုနစ်ရက်တွင်၊ အုပ်ချုပ်သူတွေဘက်က ညှိနှိုင်းဖို့ ဘာ လက္ခဏာမှမပြဘူး။ သူတို့ရဲ့ ကြိုးစားအားထုတ်မှုကနေ အကျိုးမဖြစ်ထွန်းဘူးလို့ လူတွေ စတင်ခံစားလာကြတယ်။ ဒါပေမယ့် တိုက်ခိုက်မှုက ဘာကိုပြသသလဲဆိုရင် အုပ်ချုပ်ရေးယန္တရားဟာ ခြောက်ခြားနေပြီး ရွေးချယ်စရာလမ်း ကုန်ဆုံးသွားခဲ့တာကို ပြသနေပါတယ်။ (see: PRINCIPLE: The real action is your target's reaction ပေတရာပေါ်မှာသွေးတွေစွန်းခဲ့ပေမယ့် ဆန္ဒပြသူတွေကို ကြီးမားတဲ့ စိတ်အားတက်ကြွမှုတွေ ပေးခဲ့တယ်။

.

ဆန္ဒပြသူတွေဟာ သူတို့ရဲ့ အပေါင်းအသင်းတွေနဲ့ ဆွေမျိုးတွေကို စတင် ခေါ်ကြတယ်၊ လူသွားလမ်းတွေတလျောက် ချီတက်ကြတယ်၊ သူတို့ကို ကယ်တင်ဖို့ အီဂျစ်ညီအစ်ကိုမောင်နှမတွေကို မေတ္တာရပ်ခံကြတယ်၊ သူတို့ ကယ်တင်ခဲ့ကြပါတယ်။ အုပ်ချုပ်သူတွေရဲ့ ရက်စက်ကြမ်းတမ်းမှုတွေဟာ ကိုယ့်အိမ် ခြံစည်းရိုးမှာထိုင်ပြီး တော်လှန်ရေးကို အဝေးကကြည့်နေကြတဲ့ လူထောင်ပေါင်းများစွာကို လှုံဆော်ခဲ့ပြီး လမ်းပေါ်ထွက်လာစေကာ တာခ်ဟရီးရင်ပြင်ရှိ ထိုင်သပိတ်ကို ပူးပေါင်းလာစေခဲ့တယ်။ (see: PRINCIPLE: စိတ်စွမ်းအား စိတ်ခွန်အား ပြည့်ဝနေမှ ဒေါသစိတ်ကို အကောင်းဆုံး အသုံးချနိုင်မယ်။

ဖေဖော်ဝါရီ ၂ရက်နေ့ အရုဏ်တက်တွင်၊ လူမိုက် ၃၀၀၀၀ နဲ့ ဆန္ဒပြသူ ၂၅၀၀၀ ရှိတယ်။ နေ့လည်ဘက်ရောက်တော့၊ ဆန္ဒပြသူအရေအတွက်ဟာ ၃၀၀၀၀၀ ဖြစ်လာခဲ့ပြီး၊ ညရောက်သောအခါ အီဂျစ်လမ်းများတွင် ဆန္ဒပြသူ သန်းနဲ့ချီ ရှိခဲ့ပါတယ်။ စည်းလုံးညီညွတ်မှု တစ်ဟုန်ထိုးတက်လာခြင်းဖြင့် လူထုရဲ့ ဆင်းရဲဒုက္ခအခြေအနေကို လူထုက ပြန်လည် တုံ့ပြန်ပေးခဲ့တယ်။ (see: THEORY: Al faza’a [a surge of solidarity]